قصص ملوك الحب جلال وجودا

إرسال موضوع جديد   إرسال مساهمة في موضوع

اذهب الى الأسفل

قصص ملوك الحب جلال وجودا

مُساهمة من طرف رعدالغامدي في الجمعة ديسمبر 29, 2017 1:01 pm

قصص ملوك الحب جلال وجودا

الحلقة (9) والأخيرة ❤ 

.قصص ملوك الحب ملوك الحب جودا وجلال حب جودا وجلال الدين راجات وبارى قصة حب بلا قيود راجات وبارديهي جودا اكبر فيس بوك jodha akbar kingdom of maya صفحة ملكة جانسى jodha akbar اجمل لقطات بين جودا وجلال

هبطت دمعة من عينة ثم توقف قلبه عن النبض وسقط أرضاً !! 
أميرة وهى تركض وصلت اليه .. تحسست نبضة فوجدته لا ينبض ! 
ولا يتنفس ! 
..
أميرة وهى ممسكة بيداه : لا يا يوسف لا متسبنيش عشان خاطرى يوسف رد عليا يووسف !! 
وصل كل من يارا وأحمد للقاعة وما ان نظروا باتجاهها حتى وجدوا من هو ساقط ارضاً وهناك فتاة جالسة بجانبة ..
..
يارا : مين الى واقع ده يا احمد 
احمد : مش عارف 
..
خرج اخو أميرة كي يطمئن عليها فوجد يوسف ساقطاً ارضاً وهى جالسة بجانبة فركض نحوهم بسرعة ..
ووصل أحمد ويارا ووجودة يوسف !! 
..
يارا وهى تبكى : يوسف .. يوسف .. ايه الى عمل فيه كده 
اخو أميرة : احنا لسه هنسأل يلا نودية ع اقرب مستشفي 
..
وبالفعل ركبوا سيارة اخو أميرة حتى يصلوا لاقرب مستشفي .. ويوسف لا يخرج نفس واحد !! 
كان خالد ومريم قلقين على تأخر اولادهم فاتصل خالد بمحمد صديق يوسف 
..
خالد : ايوا يابنى متعرفش يوسف راح فين 
محمد : راح لاميرة لان خطوبتها كانت انهاردة هو لسه مرجعش !! 
خالد : أميرة !!! وايه الى يخلية يروحلها ف يوم زى ده !! ربنا يستر 
..
كلمت مريم يارا لتطمئن عليها فكانت تبكي .!! 
..
مريم : ف ايه يا يارا اخوكى حصلو حاجة ! 
يارا وهى تبكي : يوسف يا ماما ف العمليات دلوقتى ونبضوا واقف !!! 
مريم : ايه !! 
.. 
نزل خالد ومريم مسرعين ليركبوا تاكسي حتى يصل بهم للمستشفي 
..
وصلوا بيوسف للمستشفي وادخلوة غرفة الحالات الحرجة 
دخل يوسف الغرفة وانتظروة خارجاً 
..
الممرضة : مفيش نبض 
الدكتور : قلبو ضعيف نتيجة انو اتعرض لحادثة قبل كده .. واتعرض لسكتة قلبية ومستحملش هاتى جهاز الصدمات بسرعة 
..
كانت أميرة تتابع يوسف من الخلف وتبكي لانها شعرت انها السبب ...
وكان الجميع ليست على السنتهم سوا كلمة "يااارب" 
كانوا يروا يوسف وهو يصدم بجهاز الصدم وينظروا لجهاز النبض . ولكن لا شيء جديد !! 
حتى ظهرت على الطبيب ملامح اليأس وترك جهاز الصدم من يدة وطلب من الممرضات ان يغطوا وجهة ! 
شعرت أميرة أن الدنيا توقفت لحظات عن الدوران .. نظرت وعيناها تفيض من الدمع وراءها وجدت يارا سقطت ارضاً وهى تبكي وبجانبها أحمد يسندها ودموع ساقطة من عينه .. نظرت بجانبها وجدت اخيها عيناه ف الارض .. ثم أعادت النظر مرة اخرى فوجدت الممرضات وهى تغطي وجهة .. ويخرج الطبيب بخطوات باردة قائلاً "البقاء لله" !! 
..
أميرة : لا .. لا مستحيل انتوا بتعيطوا ع ايه يوسف مماتش ! 
..
ركضت لتدخل الغرفة وصدمت الطبيب وصرخت بوجه الممرضات ابعدوا عنوا !!! 
قامت بازالة الغطاء عن وجهة .. ووضعت يداها فوق بعضها واخذت تضغط على قلبة 
..
أميرة والدموع تهبط منها كالمطر : قوم يا يوسف .. قوم متسبنيش دلوقتى انا مليش غيرك 
..
ومازالت تضغط وتضغط 
..
أميرة وهى تصرخ وتبكي : انتا وعدتنى متسبنيش .. جاى دلوقتى تستسلم .. قوم يا يوسف !! 
..
لم تيأس أميرة بعد ..! 
..
أميرة : انا جمبك اهو ووالله مش هسيبك تانى ولا هبعد عنك بس انتا قوم وخليك معايا ???? .. 
أميرة وهى تصرخ باعلى صوت : ياااااارب 
..
ضغطت أميرة الضغطة الاخيرة ولم تجد نتيجة ! 
انهارت أميرة من البكاء ووضعت رأسها على قلبة وقالت بصوت منخفض متمسكة بأخر أمل : يارب ... 
استمرت بالبكاء بضع ثوانى ثم سمعت دقه قلب ..! 
توقفت عن البكاء وسمعت دقة اخري !! 
نظرت لجهاز النبض فوجدت النبض .. 10..23..30..42..54..60..75 ! 
..
دخل الطبيب مسرعاً للغرفة ووضع على وجهة الاكسجين .. وساعدوة الممرضات على الفور .. 
..
الدكتور : النبض منتظم 
..
التفت الدكتور لأميرة قائلاً : " انتى عملتى معجزة بكل المقاييس " 
كانت الابتسامة على وجه أميرة والدموع على خديها ! 
في هذة اللحظة وصل خالد ومريم للمستشفي .. ووصلوا لغرفة يوسف وجدوا يارا وأحمد عيناهم حزينة ولكن ملامحهم سعيدة .. 
..
مريم : يوسف عامل ايه 
يارا : الحمد لله نبضوا انتظم والفضل يرجع بعد ربنا سبحانه وتعالي لاميرة واشارت لها عليها .. لولا انها مفقدتش الأمل كان زمان يوسف دلوقتى عند ربنا .. 
خالد : الف حمد وشكر ليك يارب .. 
..
طلب الدكتور من أميرة أن تخرج ومنع الدخول لاى شخص حتى تستقر حالة يوسف .. 
خرجت أميرة بالفعل ووجدت ان والدية قد حضروا فشعرت بالحرج منهم ولم تتكلم ..
ذهبت لها مريم وأمسكت يداها .. 
..
مريم : مفيش داعي يابنتى للحرج .. حتى لو كان يوسف جرالو حاجة مكانش فيه داعى للحرج .. يوسف حكالنا ع كل حاجة حصلت وانك كنتى معذورة عشان والدتك واى حد مكانك كان عمل كده وكان لازم يعمل كده .. محدش هيخسر والدتو لاى حد مهماً كان .. وادى ربنا سترها الحمد لله وجعلك سبب لانو يعيش من تاني .. وخلاص انتى بقيتى واحدة مننا .. انتى بنتى زى يارا بالظبط .. ولا ايه ؟ 
.
وكانت تنظر لاخو أميرة 
..
رد اخيها : طبعاً يا طنط ماما حست بالى حصل وانا كنت عارف انها مستحيل تعمل حاجة أميرة مش راضية عنها برغم انها اتأخرت بس مهما كان هى ام ويهمها سعادة ولادها ❤ 
خالد : انتى اديتينا درس كلنا يا أميرة درس ف الأمل درس يعلمنا ازاى نحب .. درس يعرفنا ان فعلاً لسه فيه ناس بتحب بجد ف الزمن ده ❤ لولا الأمل الى ف قلبك يوسف مكانش قلبو بيدق دلوقتى .. 
اكتفت اميرة بالابتسامة على كلام خالد وصمتت 
..
جاءت والدة أميرة ومعها شهد الى المستشفي بعد ان كلمت ابنها .. 
..
أميرة : ماما 
احتضنتها والدتها بفرح وبحب 
والدتها : انا اسفة يا حبيبتى .. متزعليش منى .. من هنا ورايح انا عمرى ما هعملك حاجة غصب عنك ❤
أميرة : متقوليش كده يا أمى انا مسامحاكى وهفضل مسامحاكى على كل حاجة انتى الى متزعليش منى ع كلامى الى قولتو .. 
ثم احتضنتها شهد وغمزت لها : نقول مبروك بقا 
أميرة بقلق : مش لما يقوم بالسلامة 
شهد : هيقوم يا حبيبتى وكل حاجة هتبقي بخير 
اخو أميرة : عملتى ايه يا ماما ف الخطوبة 
والدتها : فهمتهم يا بنى وهما اتفهموا طبعاً زعلوا بس مكانش ف ايدى حاجة تانى اعملها 
اخيها بابتسامة لأميرة : ربنا هيعوضنا بيوسف وأميرة ان شاء الله 
..
ذهبت والدة أميرة لخالد وعائلتة 
..
والدتها : انا متأسفة .. انا السبب ف كل الى حصل 
خالد : متقوليش كده ربنا كان كاتب علينا كده .. وفعلا عسي أن تكرهوا شيئاً وهو خير لكم ولولا الحادثة دى مكناش اتجمعنا ولا قربنا من بعض كده .. ولولا رفضك عليه من الاول مكناش اتجمعنا هنا كأننا عيلة واحدة 
..
مرت ايام .. وكان الجميع ينتظر يوسف ان يفتح عينه من جديد .. ووصل محمد متأخراً كعادتة .. ولكنه كان ينتظر معهم .. حتى طمأنهم الطبيب أنه بالفعل افاق وانهم يمكنهم ان يدخلو له 
دخلوا جميعهم ع يوسف الذي كان متفاجئاً بوجود عائلة اميرة وأميرة ..
..
يوسف : ايه الى حصل وايه الى جابنى هنا .. وكل دول ناس هما اعلنوا الحرب ولا ايه 
..
ضحك الجميع على كلام يوسف 
..
يارا : وهى تخبطة على كتفه .. انتا مش بتبطل هزار كنت هتموت مننا وموتنا من العياط وبتهزر 
يوسف : كل ده حصل .. وكنت هموت ومموتش ليه ! 
غمزتلة ويارا واشارت بعينيها ع أميرة 
يوسف : انتى لسه بالفستان من ساعتها !! 
أميرة : شوفت بقا 
يوسف : انا اخر حاجة فاكرها انى شوفتك وانتى جاية عليا وكنت حاسس انها اخر مرة اشوفك كل حاجة حلوة حصلتلى عدت اودام عينى كأنها اللحظة الأخيرة 
أميرة : انتا فعلا نبضك وقف ولكن انا انقذتك يلا على الله يطمر 
يوسف : مين دى يا جدعان دى بتعايرنى 
..
ضحك جميعهم .. وتحدث اخو أميرة 
..
اخيها : الدكتور عملك صدم كهربائي ع قلبك ولكن مكانش فيه استجابة منك .. وكنا خلاص فقدنا الأمل .. الا أميرة الى دخلت ورفضت اى حاجة تتحط عليك وفضلت تضغط ع قلبك وتكلمك لحد ما النبض رجع بعد عناء 
يوسف وهو مصدوم وهو ينظر لأميرة : انقذتى حياتي ???? 
أميرة : تقصد تقول انتا الى انقذت حياتي لانى كنت هموت وراك .. 
يوسف باستعلاء : طبعاً متقدريش تعيشي من غيري ???? 
والدة أميرة : احم احم 
يوسف : شكلها هتضربنا 
ضحكو جميعهم .. 
محمد : الف سلامة عليك يا يوسف 
يوسف : اكيد جيت متأخر كعادتك يا محمد صح 
محمد وهو يبتسم : والله جيت علطول بس قعدت فترة عقبال ما حد فيهم رد عليا كانوا مشغولين بيك يا سيدى 
يوسف : والله يا محمد انتا نعم الصديق بجد ❤ 
يارا : قوم عشان تجيبلي شيكولاتة 
يوسف : يا دكتووووووور بالله عليك رجعنى تانى للغيبوبة 
ساد الضحك بينهم بعد جملة يوسف ثم أكمل : انتى خلاص بقيتى مخطوبة ياختى وكمان كام شهر هتتجوزى خليه بقا يجبلك الشيكولاتة بتاعتك دى انا اعلنت افلاسي بسببك انتى وأميرة 
أميرة وهى تغمز ليارا : اذا كان عاجبك ياض وهتفضل تجبلنا شيكولاتة علطول .. 
يوسف وهو يمسك ايد أميرة : عاجبنى يا فندم .. انا متأسف .. بقولك يا حج خالد متستغل القعدة الجميلة دى وجرب تانى كده تطلب ايد أميرة 
خالد وهو يضحك : ايه رأيك يا أم أميرة 
والدتها : موافقة طبعاً 
يوسف : زغروطة الحجة مريم بقا عايز المستشفي كلها تعرف ان فيه فرح هنا 
اتكسفت أميرة 
يوسف : يادى النيلة ع الطماطم الى بحبها 
ضحكت أميرة : ما تتلم ياض بقا 
يوسف : مفيش اتلم كلها كام شهر وهتبقي مراتي رسمي 
..
مرت عدة ايام وخرج يوسف من المستشفي وبالفعل اتفقوا على الخطوبة قبل السنة الرابعة ليوسف .. 
وكانت الخطوبة بعد يومان فقط .. جهز كل من يوسف ويارا جيداً فسيكون أفضل يوم لهما في حياة كل منهما ❤ 
..
يارا : الف مبرووووك يا چو اخيراً هشوفك عريس 
يوسف : لسه خطيب 
ضحكت يارا : بمجرد ما تتعين ف الجيش كأحسن مهندس طيران ف الدنيا هتتجوز ياعم 
يوسف : عارفة احسن حاجة اننا هنتجوز هنا ف البيت ده ومش هنبعد عن بعض هيبقي تحت بابا وماما وانتى وجوزك ف الدور الى فوقية وانا وأميرة ف التالت وان شاء الله أحمد وايمان ييجوا يعدوا معانا 
يارا : مين كان يصدق ان الحال يتغير بالشكل ده .. ده ربنا رحيم اووى والحمد لله يا حبيبي واخيراً هيحققلك حلمك 
..
وجاء يوم الخطوبة .. اليوم المنتظر 
وكان يوسف مع محمد ويارا وشهد قبل الخطوبة ليجهزوا لأميرة مفاجأة 
ذهب يوسف ومحمد للحفل وكان يوماً عظيماً وسط حب متبادل بين يوسف وأميرة وايضاً بين العائلتين ..
مر الحفل وطلب يوسف الاذن من والدة أميرة كى يصطحبها معه فوافقت .. وكانت يارا ومحمد وشهد مع يوسف وأميرة
..
أميرة : أحنا رايحين فين 
يوسف : مش لازم تعرفي اعتبريها مفاجأة 
..
كان يوسف طلب تأجير الشاطىء لبضع ساعات حتى يفاجىء أميرة فربط شريطة على عيناها وطلب من يارا وشهد ومحمد ان يختبئا ..تقدم كل من يوسف وأميرة بخطوات بطيئة حتى وقفا 
..
يوسف : ثوانى وجاى 
أميرة : متسبنيش لوحدى 
..
انتهى يوسف من اشعال النار في الممر 
وذهب الى أميرة وازال الشريطة من ع عيناها .. فوجدت مدخل من الورود أمامة ممر من الشموع وبنهاية الممر كانت خيمة مفتوحة من الجوانب ومغطاة من الاعلى منضدة وكرسيين على البحر في منظر يخطف الابصار .. التفتت ليوسف وعيناها تتلألأ وسقطت دمعة من عيناها .. ونظرت في عينيه .. ف مسح بيده على خديها .. واقترب من شفتاها حتى تلامست شفتيهما وكانت أول قبلة بينهما ..
فأحتضنها يوسف واخذ يلف بها وكأنا يحتضن الدنيا بين يداه .. نظر كل من يارا ومحمد وشهد وصفقوا على جمال المنظر بينهما ❤ 
..
يقولون إن الحبيبين ❤ تضيع رائحتهما في بعض، فتبقى في ذاكرة كل منهما رائحة الآخر المميزة التي لا يجدها في أي شريك جديد.. لكلّ منا بصمة رائعة كبصمة الضحك والأصابع والصوت والروح، لكل منا شفرة لا تنفكّ إلا ببصمة مجهزة خصيصاً لتنطبق على شفرات الروح فتحلها، وتفك كل شفرة بمفتاح خاص رباني مقدَّس ليست له نسخ إضافية.. فقط نسخة واحدة لشخص واحد يمتلك وحده حق الولوج بداخلك وليس الولوج إليك، شخص واحد تمتلك بصمة شكله ونغمة صوته وسرعة خفقان قلبه وذوقه في الأكل واللبس، وطريقته في اللمس والمشي والرقص والهزار والكلام، وهنات صوته على مسامعك، ودفء أنفاسه بين راحتيك، واختلاط أنفاسكما وألسنتكما، وتصنّعكما للغضب وعبارة متكررة تفيد بأنكم «مش هتهونوا على بعض أبداً!»
..
وكان يوسف وأميرة يرقصون على موسيقي رومانسية هادئة 
..
أميرة : انتا الى عملت المفجأة دى 
يوسف : انا ويارا وشهد ومحمد 
أميرة : عشان كده شهد اتأخرت 
يوسف بابتسامة : بالظبط كده 
أميرة : أنتا أحلى حاجة حصلتلى ف الدنيا دى 
ابتسم يوسف وقبلها على رأسها وقال في سره : سبحانك يارب خلتنى احلم حلم وقعدت فترة صابر لحد ما حققتلى الاحسن منه ❤
..
وبعد مرور عدة سنوات .. دخل يوسف البيت 
ووجد رنا وأميرة يأكلو الشيكولاتة 
..
يوسف لأميرة : يختااااااى بتأكلى بنتك شيكولاتة وهى عندها 3 سنين 
أميرة وهى تضحك : طالعة لمامتها بتحبها 
يوسف : هى ناقصة يجيلى ابو الخدود صغير ❤ مش كفاية عندى ابو الخدود واحد طفس دلوقتى بقوا اتنين .. 
رنا : بابا انا بحب الشيكولاتة 
يوسف وهو يرفعها ويقبلها : هنعد انا وانتى وماما ناكل كل يوم شيكولاتة لحد ما نبيع البيت 
..
دخل يوسف غرفتة وهو في غاية السعادة .. شعر بشيء جديد يسيطر على قلبه .. قام وجلس على مكتبة .. دخلت عليه أميرة .. 
..
أميرة : مالك يا حبيبي 
يوسف : بفكر أكتب قصة 
أميرة : بس انتى قايلى انك مش هتكتب لغيري 
ابتسم يوسف ثم أخرج من المكتب عدة أوراق ... فتح قلمة .. وكتب على الصفحة الاولى "في قلبي انثي بعيدة" ❤
ــــــــــــــــــــــــــــــــــــــــــــــــــــــــــــــــــــــــــــــــــــ
..
تمت بحمد الله ❤ اخيراً القصة خلصت وهترتاحو منى ????????
..
ف النهاية ميسعنيش الا انى اشكر كل حد شجعنى ع القصة .. وبشكر كل حد فيكم هنا ف الصفحة من كل قلبي بجد 
القصة دى غالية جداً عندى وكتبتها من كل قلبي .. حلقة امبارح بتأسف لكل حد زعل بسببها لكن حقيقي انا كنت ببكي لما كتبتها .. وبشكر ربنا ان احساسي وصلكم .. وبالنسبة لموقف يوسف الى ف الاخر فهو حصل اودام عيني .. انقذت الى بتحبوا من الموت بنفس التفاصيل بالظبط 
بشكر كل حد تابعنى ف القصة دى سواء ف صمت او بلايك او حتى كومنت .. بتمنى اسمع رأيكم النهائي كلكم .. عايز اعرف رأي كل الناس الى تابعت القصة دى بتمنى تكتبوا كومنتات برأيكم ف القصة .. والحاجات الى عجبتكم فيها والحاجات الوحشة برضو الى فيها .. مين اكتر شخصية عجبتكم .. ومين الشخصية الى كارهينها .. كل حاجة ❤ وخصوصا انها الحلقة الاخيرة .. وفيه ناس انا عارف انها ساكتة لحد الحلقة الاخيرة عشان تقول رأيها النهائي ❤ 
عايز اسمع نقدكم قبل مدحكم ف القصة لانها لسه اول الطريق ومين عالم يمكن اخر الطريق ... ان شاء الله هسمع اراءكم كلها وهاخدها بعين الاعتبار لو بأذن الله كتبت قصة تانية ❤
.. 
القصة مش مجرد قصة رومانسية هى كمان اجتماعية .. وحاولت ع اد ما اقدر اطلعكم مستفيدين حاجة من القصة .. 
1- الصلاة .. زى ماقولت ف الحلقة التانية ان الرسول صلى الله عليه وسلم قال" العهد بيننا وبينكم الصلاة فمن تركها فقد كفر" .. وفي اراء بعد العلماء قالو ان الكفر هنا بمعنى انو مش هيقدر يموت ع الشهادة فهيموت كافر ✋ الصلاة طمأنينة للقلب وللروح ❤ حافظوا عليها هى دى الى بتوزن حياتك ووسيلة الاتصال مع ربنا ❤
2- بر الوالدين .. حافظوا على الوالدين وبروهم لان العاق لوالدية ده ملعون زى ما الرسول صلي الله عليه وسلم قال .. حاولو تسعدوعم بكل الطرق وادعولهم دايماً واذكروا فضلهم عليكم انهم كبروكوا ووصلوكوا للمرحلة دى بلاش الكلام الوحش بلاش جرحهم بالكلام ❤ 
3- القراءة .. فضل القراءة كبير اوى اكبر مما تتصوروا .. والقراءة خير رفيق لكل انسان حاسس بالوحدة .. 
4- لو اتعلمت حاجة قولها للناس متبخلش ع الناس بمعلومة .. كل حاجة استفدتها انصح بيها القريب منك والبعيد حتى .. اتمنى الخير لغيرك ❤
5- التسامح .. خلو صفة التسامح عادة ف حياتكم .. وحتى لو الموقف كبير سامحوا لله .. انتظروا الاجر من ربنا مش من بشر ❤ 
6- الصديق الحسن .. اختار صديقك/صديقتك بمعايير معينة .. اختاروا السند الى تتسندوا عليه الى ميسبكوش وقت العسر .. اختاروا صديق لما تيأس دايماً يخليك متفائل .. لما تقع تلاقية يسندك ... وانتا كمان لازم ينطبق فيك الشروط دى متبقاش عايز بس .. ليك واجبات برضو زى ما ليك حقوق ❤
7- الفرحه .. عايز تفرح اتجنن فرح الى حواليك ومتنتظرش شكر منهم يكفيك الابتسامة الى ترسمها على وشوشهم .. اعمل خير لغيرك زود ف الخير .. خليهم يعرفوا ان فيه ناس لسه حلوة بجد ... خلي التفاؤل يملي قلوبهم من جديد ❤ 
8- الحلم ❤ سواء نوم او يقظة .. ربنا اكبر من انو يعلقك بحاجة وميحققهاش لكن انت لازم تسعى ومتستسلمش لاى حاجة .. لازم يكون في مطبات ومشاكل تقابلك خليك قوى بالله وتوكل عليه وهتعدى ❤ 
9- الأمل .. خلى الأمل دائم ف قلبك ان بكرا افضل واحسن من انهاردة وامبارح وتفائل خير ❤ احيانا الأمل ده ممكن يحيي ناس ويحقق احلام ناس .. طالما الأمل موجود .. السعادة هتبقي موجودة وحسن الظن بالله ❤✋
10- لحظة القلق ازاى تتعامل معاها .. لحظة الجرح .. اطمئن دايماً ان ربنا جمبك ومش هيسيبك ..
.........
انا مش عارف اذا كنت ذكرت كل حاجة ولا لا  ❤ لو حد استفاد حاجات تانية من القصة ياريت يقولها ف الكومنتات ❤
بتمنى تقيموا القصة من 10
.. 
وفي النهاية احب اقولكم حاجة مهمة لما نقرر ننهي سنين الوحدة و نتجوز✋.. 
نختار حد روحنا رايحه فيه تماماً.. حد عايزين نصحى كل يوم الصبح على وشه❤️..
حد عايزين نصحى اصلاً عشانه.. نقف بالساعات في المطبخ في الحر نعمله حاجة بيحبها.. نستحمل تعب اي حاجة عشانه.. الشخص المناسب تماماً اللي نترمي في حضنه بعد يوم طويل تعبنا فيه❤️..
حد مانتكسفش نتعب قدامه.. نسخن و نخرف قدامه.. نرجّع قدامه!.. نتهزم قدامه.. حد لما مانبقاش قادرين نمشي يشيلنا.. حد يفهم قد ايه الدنيا بهدلتنا و جات علينا.. حد نبقى واثقين انه هايشوف عيوبنا كلها.. كلها! و هايحبها❤️ Smile) ,
نبقى عايزين نعيش معاه حتى بعد ما نموت .. حد نسهر للفجر ندعيله مش ندعي عليه.. حد لما نحس ان الدنيا كلها كرهانا يبقى هو الحضنّ و الحب الوحيد ..
يبقى عايز كل الناس تشوف حلاوتنا مش هو بس.. يبقى فخور بينا.. كأنه اسعد حد في الدنيا.. حد يحسسنا ان حب الدنيا كله قليل علينا ❤️..
حد نبدأ معاه صغيرين اوي و نكبر و نبقى أحسن.. حد يحمينا من نفسنا و خوفنا و تعبنا.. حد يكون قادر يقدر علينا من غير ما يكسرنا.. و يعرف كل نقط ضعفنا من غير ما يذلنا بيها..
حد يحبنا زى ما احنا كده و بس ✋❤
..
انا عارف ان ناس كتير سألت مين يوسف وهل انتا يوسف أو لا .. وهل الشخصيات حقيقية ولا لا .. يوسف ده بيمثلني انا بشكل كبير جداً .. لكن انا طبعاً ناقص عنو في بعض الحاجات لكن بعتبرو مثلي الاعلي .. الى بجتهد أكون زيه .. أميرة شخصية حقيقية .. ويارا وكل الشخصيات ماعدا آسر ومحمد .. 
الكلام الى كان بيكتبو يوسف هو من كتابتي أنا والكلام الى ف وسط الحلقات من كتابتي .. الحلم الى يوسف وصل ليه انا بتمني اوصله .. لكن لسه الطريق طويل .. انا ف رابعة ميكانيكا حالياً ???? ولسه مشوفتش أميرة حتي الان .. اكيد مش اسمها أميرة يعني .. لكن الحلم حقيقي حصلي ???? 
هي مش قصتي زى ما ممكن تفتكروا تقريباً 60% منها خيال الى هو ما بعد المدرسة بالنسبة ليوسف .. بشكركم مرة تانية ❤ 

رعدالغامدي

المساهمات : 27
تاريخ التسجيل : 08/02/2014

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى